Drejtori i Urgjencës Kombëtare, Skënder Brataj, në një intervistë televizive u shpreh se ka një fluks telefonatash me nisjen e sezonit veror, veçanërisht për rastet e temperaturës dhe diarres.
Dhe në këtë kuadër, Brataj u sugjeron pacientëve që të mos presin që t’u shkojë urgjenca në raste të tilla, por duhet të jenë ato vetë që duhet ti drejtohen qendrave shëndetësore.
“Janë hapur disa qendra shëndetësore verore në zonën e jugut, për shkak se spitalet më të afërta janë vetëm në Vlorë dhe në Sarandë, dhe një qendër shëndetësore të përhershme në Himarë.
Janë vënë në dispozicion 18 ambulanca.
Një problematikë që doja të ndaja, duke qenë se në shërbimin e urgjencës janë rritur shumë telefonatat dhe nuk përballojmë dot çdo shqetësim, pra nuk bëjmë dot asistencë sepse ne jemi urgjencë.
Një problem tjetër është dhe telefonata që na vijnë nga hotelet ku kërkohet personel në hotel, sepse nuk mund të shkojë mjeku në hotel për një temperaturë apo një diarre.
Duhet të shkojnë në qendrën shëndetësore, sepse kështu i bie që qendra të mbyllet nëse mjeku shkon tek pacienti. Shkon kur ka me të vërtetë raste urgjence. Këto janë disa nga problemet që na kanë dalë dhe na krijojnë pengesa”, theksoi Brata
Discussion about this post