Trajneri i kombëtares Sylvinho ka hedhur në fushë në përballjen ndaj Moldavisë një formacion fitues, duke synuar 3 pikë në takimin e parafundit të Grupit E.
Rezultatet e deritanishme kanë treguar që vendimet e deritanishme kanë qenë të goditura, skuadra ka pasur ekuilibër në të dyja fazat e lojës dhe ç’është më e rëndësishmja, rezultatet kanë qenë spektakolare.
Konfirmohet në portë titullar Etrit Berisha, i cili u shfaq i jashtëzakonshëm edhe në sfidën e fundit në Serinë A, në fitoren 0-1 të Empolit në fushën e Napolit.
Rikthehet në formacion në qendër të mbrojtjes Ardian Ismajli, i cili mungoi për arsye dëmtimi ndaj Çekisë.
E zëvendësoi në mënyrë të përkryer Arlind Ajeti, që, fatkeqësisht, s’është në këtë grumbullim për arsye fizike.
Edhe nëse do të ishte i gatshëm, vështirë se Sylvinho do ta linte në stol mbrojtësin e Empolit.
Nuk ndryshon asgjë në pjesën tjetër të formacionit: Hysaj e Mitaj, në krahët e prapavijës, Ramadani e Asllani para mbrojtjes, nga krahët Asani e Seferi dhe Bajrami pas sulmuesit të avancuar, Sokol Cikalleshi.
Formacioni zyrtar
Shqipëria (4-3-3): Berisha; Hysaj, Gjimshiti, Ismajli, Mitaj; Asllani, Ramadani, Bajrami; Seferi, Asani, Cikalleshi
Trajner: Sylvinho
Discussion about this post