Këtë të shtunë Partizani do të ndeshet me skuadrën e Skënderbeut për javën e 11 të Superligës. Kjo sfidë do të zhvillohet në ‘Air Albania’ dhe do të nisë në orën 16:45.
Për këtë sfidë ‘Të kuqtë’ e kryeqytetit kanë vendosur që të ulin çmimet e biletave në mënyrë që të shkojnë në stadium sa më shumë mbështetës të tyre.
Në një postim në rrjetet sociale të ‘Demave’ bëhet me dije se çmimet e biletave për këtë sfidë do jenë nga 300 deri në 2000 lekë të reja në tribunën VIP, në ndryshim nga herët e tjera kur bileta më e lirë kushtonte 500 lekë.
Në këtë sfidë Partizani vjen pas fitores 2-1 ndaj Teutës në ndeshjen në transfertë në ‘Elbasan Arena’, që në njëfarë mënyrë shihet edhe si takimi i kthesës./K.T/Gijotina.com
Discussion about this post