Këtë të mërkurë Dinamo do të presë Skënderbeun në ‘Elbasan Arena’ për ndeshjen e javës së 15 të Superligës.
Kjo ndeshje do të nisë në orën 16:45, ndërsa nga të dyja skuadrat kërkohet fitore, pasi renditen në vend të 7 dhe të 8 me 14 pikë secili.
Duke folur në konferencën për mediat në prag të kësaj sfide, trajneri i ‘Bluve’ të kryeqytetit, Bledi Shkëmbi tha se Imami nuk do të jetë në këtë gjendje ashtu si edhe Mihana për shkak të temperaturës.
“E ka humbur këtë ndeshje, edhe Mihana është me temperaturë. Sofranac nuk është në gjendje optimale, por është një moment ku nuk ka justifikim dhe të japim mbi maksimumin për ta mbyllur me sukses këtë vit. Gabimet që kemi bërë janë në vazhdimësi, është fati, mungesat por edhe paaftësia jonë. Vijmë në një moment që nuk, e kishim menduar, por nuk kemi pse e kthejmë kokën. Një fitore do të na bënte të ndiheshim më të qetë për të ardhmen”,-tha ai.
Më tej ai shtoi se në futboll ka gjithmonë presion, ndërsa shtoi se do vazhdojnë të luftojnë për të mos qenë në zonën e rrezikut.
“Në futboll ka gjithnjë presion, nuk mendoj se ky ekip është i ndërtuar për zonën e poshtme. Mendoj se nuk do të luftojmë për pjesën e poshtme të klasifikimit, por këtë mund ta arrijmë vetëm duke fituar në fushë se asgjë nuk arrihet me fjalë dhe dëshirë”,-deklaroi Shkëmbi./K.T/Gijotina.com
Discussion about this post