Atalanta do të përballet këtë të martë me Young Boys në transfertë për Champions League. Skuadra italiane kërkon kualifikimin në një grup ku ndodhen edhe Manchester United dhe Villareal.
Duke folur në konferencën për mediat në prag të kësaj sfide lojtari i Kombëtares shqiptare, Berat Gjimshiti, u shpreh se ndeshja me Spezian ku skuadra e tij shënoi 5 gola është motivim.
“Do të luajmë si gjithmonë, do të shkojmë për të fituar ndeshjen. E dimë që do të ketë vështirësi, do të luajmë edhe në një fushë me bar sintetik. E dimë që do të jetë e vështirë dhe provuam edhe në ndeshjen e parë ndaj tyre, por do të kërkojmë të luajmë më mirë. Të shënonim 5 gola kundër Spezia ishte një sinjal i mirë, këtë vit nuk ka ndodhur shpesh dhe na jep shumë besim”,- u shpreh ai.
Më tej shqiptari shtoi me bindje se skuadra e tij do japë maksimumin, ndërsa theksoi se do bëjnë një ndeshje të madhe në Zvicër.
“Jam i bindur që do të shkojmë në Zvicër për të bërë një ndeshje të madhe. A do të kushtëzohemi nga rezultati i ndeshjes mes Villareal dhe Manchester United? Nuk besoj, ne do të zbresim në fushë dhe do të japim maksimumin për të fituar. Nuk na intereson se çfarë bëjnë të tjerët. Nëse marrim pikët tona, atëherë kalojmë grupin dhe me këtë mentalitet duhet të luajmë”,-deklaroi Gjimshiti./K.T/Gijotina.com
Discussion about this post