Guvernatori i Floridës, Ron DeSandis, i cili po konkurron për nominimin e partisë republikane për zgjedhjet presidenciale të vitit 2024, u përfshi në një aksident me makinë në Tenesi, por pa rrezik për jetë, tha zëdhënësi i tij.
“Këtë mëngjes, guvernatori u përfshi në një aksident me makinë ndërsa po shkonte për në një ngjarje në Chattanooga. Ai dhe ekipi i tij nuk u lënduan“, tha zëdhënësi Brian Griffin në një deklaratë.
Asnjë informacion tjetër nuk është dhënë nga stafi i DeSandis.
Guvernatori 44-vjeçar konsiderohet si sfiduesi kryesor i ish-presidentit Donald Trump për emërimin e partisë.
Discussion about this post