Kryetari i Partisë Demokratike Sali Berisha në tryezën e përbashkët me ekspertë diplomatë dhe akademikë e gazetarë u shpreh se kjo që po ndodh gjatë këtyre ditëve është përsëritje e asaj që ndodhi në vitet ’44-’45.
“Në ato vite ne u rreshtuam në anën e kundër të historisë. Në këto vite ne po rreshtohemi përsëri në anën e kundër të historisë dhe kjo ndodhi para syve tanë”, shprehet Berisha.
Sakaq ai ka komentuar edhe refuzimin e kryeministrit Rama për të marrë pjesë në Samitin e ardhshëm të Bashkimit Evropian në data 23-24 në Bruksel, kushtuar veçanërisht Ballkanit Perëndimor. Berisha shprehet se kjo është një aventurë e kryeministrit Rama që nuk ka interes integrimin e vendit.
“Ballkani i Hapur apo mini shengeni që u themelua në Novisad, sipas themeluesit të saj Aleksandër Vuçiç, 3 ditë pas samit u shpall se kjo është Jugosllavia e vjetër plus Shqipëria. Në këtë proces të pranimit nga Edi Rama të hegjemonisë serbe në rajon u formua aleanca trilaterale. Ky proces solli një përçarje mes Shqipërisë dhe Kosovës, solli atë të cilën asnjë shqiptar nuk mund ta imagjinonte. Ndodhi një aventurier pa interesa vendi të deklarojë dje se refuzoj ftesën, nuk kam pse shkoj në Bruksel. Ky vendim merret më parë në Beogrda, shpallet nga padroni i tij”, shprehet Berisha.
Discussion about this post