Kombëtarja shqiptare U-21 e drejtuar nga Alban Bushi nisi sot grumbullimin në Durrës në kuadër të ndeshjeve kualifikuese për Euro2025, ndërsa takimet e rradhës do të jenë ndaj Rumanisë dhe Malit të Zi.
Të dy ndeshjet do të luhen në transfertë, më 17 nëntor ndaj Rumanisë dhe më 21 nëntor ndaj Malit të Zi.
Shqipëria U-21 ndodhet në Grupin E bashkë me Rumaninë, Zvicrën, Finlandën, Malin e Zi dhe Armeninë. Kombëtarja shqiptare renditet në vendin e parë pas tre fitoreve ndaj Rumanisë, Malit të Zi dhe Armenisë. Kuqezinjtë kanë pësuar vetëm një disfatë atë ndaj Finlandës.
Për dy takimet e rradhës, Bushi ka ofruar në kombëtare lojtarin e Laçit, Agan Mjakin. Grumbullimi i futbollistit të kurbinasve vjen pasi mbrojtësi Ermis Selimaj, do të mungojë për shkak të një dëmtimi dhe e ka të pamundur të jetë pjesë e skuadrës kuqezi.
Discussion about this post