Arsyeja pse Shakira nuk i përgjigjet flirtit të Tom Cruise, duket se është një mashkull tjetër.
Ylli kolumbian nuk është lidhur me askënd deri më tani, pas ndarjes së saj nga Gerard Pique . Megjithatë, një raport i “Sun” rrëfen se ajo mund të ketë gjetur një tjetër.
Në veçanti, Shakira u pa të dielën në FTX Arena për të parë ndeshjen Miami Heat kundër Boston Celtics. Natyrisht që prania e saj atje nuk është për shkak të dashurisë për basketbollin, por njohjes me Jimmy Butler.
Menjëherë pas përfundimit të lojës, ata ndoqën njëri-tjetrin në Instagram, gjë e çuditshme për Shakirën, e cila ndjek vetëm 159 persona në llogarinë e saj.
Nga ana tjetër, sigurisht që lidhja e tyre nuk është ende e qartë, pasi basketbollisti është në lidhje me modelen Caitlin Novak që prej vitit 2019.
Ndërkohë që Shakira është në kërkim të partnerit të saj të radhës, ish-i i saj, Gerard Pique duket se po jeton dashurinë me Clara Kia.
Madje, ai së fundmi ka postuar në llogarinë personale në Instagram një fotografi të re me partneren e tij, në të cilën ai është pa këmishë dhe çifti pozon në krahët e njëri-tjetrit duke buzëqeshur para kamerës.
Discussion about this post