Tensioni i vazhdueshëm mes Shakirës dhe Gerard Pique-s mbetet i dukshëm edhe një vit pas ndarjes së tyre.
Gazetarja Lorena Vazquez, tha për emisionin televiziv “Y ahora Sonsoles” se pavarësisht lutjeve të Pique-s, Shakira ka refuzuar të lejojë fëmijët e tyre, Milan dhe Sasha, të marrin pjesë në dasmën e vëllait të tij Marc Pique më 24 qershor.
Kjo është një ditë e rëndësishme për familjen Pique. Shakira ka refuzuar me vendosmëri idenë e zgjatjes së qëndrimit të fëmijëve të saj në Barcelonë përtej afatit të rënë dakord, madje edhe opsioni i kompensimit të saj për këto ditë në të ardhmen nuk e ndikoi atë.
Shakira thuhet se është e vendosur të parandalojë që Milani dhe Sasha të jenë në të njëjtin vend me partneren e Pique-s, Clara Chia në dasmën e xhaxhait të tyre.
Kjo ngjarje do të shënojë mbledhjen e parë publike familjare të Chias me futbollistin, gati një vit pasi u njoftua lidhja e tyre. Sipas marrëveshjes për kujdestarinë, fëmijët supozohet se do të qëndrojnë në Barcelonë deri më 19 qershor.
“Ne u habitëm shumë që ajo nuk i la fëmijët e saj të shkonin në dasmën e xhaxhait të tyre”, tha Vazquez.”Gjëja logjike do të ishte që ata të shkonin, por Shakira nuk ka pranuar. Është shumë e shëmtuar.”
Discussion about this post