Tensionet mes SHBA-së dhe Serbisë sa vijnë e rriten me këtë të fundit që ka urdhëruar që një pjesë e stafit të ambasadës amerikane në Moskë të kthehet në shtëpi deri më 31 janar. Kjo masë vjen pasi Moska e cilësi si “hakmarrëse” vendimin e SHBA për kufizimin e mandatit të diplomatëve rusë.
Ambasadori rus në Uashington tha javën e kaluar se 27 diplomatë rusë dhe familjet e tyre po dëbohen nga Shtetet e Bashkuara dhe se do të largohen nga ky vend më 30 janar.
“Ne synojmë të përgjigjemi në mënyrë përkatëse. Punëtorët e ambasadës së ShBA-së, që kanë qenë në Moskë për më shumë se tre vjet, duhet të largohen nga Rusia më 31 janar”, tha zëdhënësja e Ministrisë së Jashtme të Rusisë, Maria Zakharova.
Mësohet se, rregullat e reja të ShBA-së nënkuptojnë që diplomatët rusë që janë detyruar të largohen nga Shtetet e Bashkuara, nuk kanë të drejtë të punojnë si diplomatë në ShBA për tre vjet, shkruan Reuters
Ambasada është i vetmi mision amerikan në Rusi, pasi konsullatat në Vladivostok dhe Yekaterinburg u mbyllën, ndërsa stafi diplomatik është zvogëluar nga rreth 1.200 persona më 2017 në 120, njofton Uashingtoni.
Discussion about this post