Shantazhe për dhënie pasurie në emër të funksionarëve publikë, policia, qytetarëve: Tregohuni vigjilentë!

Një numër personash ende të paidentifikuar po shantazhojnë pronarë apo administratorë biznesesh, në emër të funksionarëve publike apo shtetëror.

Policia njofton se janë një sërë rastesh të evidentuara të shantazheve.

“Të tregohen vigjilentë ndaj rasteve të tilla të mashtrimit dhe të denoncojnë menjëherë pranë strukturave të Policisë së Shtetit, vendore apo qendrore, çdo rast të dyshuar ose nëse janë viktima të kësaj veprimtarie kriminale,” është thirrja që u bën qytetarëve policia.

Ndërkohë, bëhet e ditur se personat apo grupet në fjalë janë duke përdorur aplikacione të ndryshme telefonike për të komunikuar me operatorë ekonomikë, duke iu kërkuar donacione në emër të funksionarëve publikë apo shtetërorë.