Një 53-vjeçar ka rënë në pranga ditën e sotme në Kuçovë, pasi akuzohet se shantazhonte një grua, për t’i marrë para. Bëhet me dije se, i arrestuari u shpall në kërkim pak ditë më parë për veprën penale “Shtrëngimi me anë të kanosjes ose dhunës për dhënien e pasurisë”.
Ka qenë vetë qytetarja që ka denoncuar kërcënimet që i bëheshin nga 53- vjeçari dhe më pas policia ka nisur menjëherë kërkimet për arrestimin e tij. Por pasi ishte vënë në dijeni autori ishte larguar nga banesa dhe prej disa ditësh ishte në arrati.
Policia sqaron se, shtetasi Y.P me anë të disa fotove, ka kërcënuar një shtetase dhe ka mundur ti marri një sasi të konsiderueshme lekësh dhe euro. Ndërkohë ditën e sotme është bërë i mundur arrestimi i tij, ndërsa policia po vazhdon më tej me hetimet për të zbardhur më shumë rreth ngjarjes.
Discussion about this post