Një shqiptar që po vuante dënimin në burgun e Vercellit në Itali, është arratisur nga qelia natën e ndërrimit të viteve.
Agjencia italiane e lajmeve Ansa, shkruan se shqiptari ndodhej në burg për grabitje. Ai u ul me çarçafë nga kati i katërt, ku kishte qelinë, pasi kishte sharruar hekurat, ndërkohë që bashkëpunëtorët e tij e prisnin jashtë dhe mundën ta largojnë.
Autoritetet italiane kanë vendosur pika kontrolli në të gjithë Piemonten. Për hetimet është ngarkuar Skuadra Lëvizëse e Komisariatit të Policisë Vercelli. Sipas asaj që mësohet, personi në arrati është një grabitës i rrezikshëm, përgjegjës për grabitjet me dhunë në vila.
Discussion about this post