Një ngjarje makabër është zbuluar në Rusi, në kohën kur ushtria rusi prej ditësh tashmë po sulmon Ukrainën, vendim ky, që një pjesë e konsiderueshme e qytetarëve rusë nuk e kanë përkrahur.
Një modele ruse është gjendur e copëtuar dhe e vendosur brenda një valixheje.
The Sun shkruan se modelja është gjetur një viti pasi ishte zhdukur. Mësohet se 23-vjeçarja Greta Vedler, kishte kritikuar sistematikisht Putinin, duke e cilësuar dhe si “psikopat”. Por në fakt vrasja nuk ka të bëjë me këtë fakt.
Bëhet e ditur se vrasjen e ka kryer ish- i dashuri i saj, Dimitry Korokvin. Ai ka thënë se e ka mbytur për vdekje pas një grindjeje për paratë në Moskë që nuk kanë lidhje me pikëpamjet e saj politike dhe analizën e mendjes dhe motiveve të Putinit.
Ndër të tjera ai u tha hetuesve se kishte fjetur në një dhomë hoteli për tre netë me kufomën e saj, të cilën e vendosi në një valixhe të sapo blerë, teksa më pas ai e çoi trupin 300 milje në rajonin e Lipetsk dhe e la në bagazhin e një makine për më shumë se një vit.
Mësohet se i dashuri i viktimës me gjakftohtësi vazhdoi të postonte foto dhe mesazhe në rrjetet sociale të modeles, për t’i bërë miqtë të besonin se ajo ishte ende gjallë, u tha ai detektivëve.
Discussion about this post