Presidenti palestinez Mahmud Abaz nuk do të mund të jetë i pranishëm në asamblesë së përgjithshme të OKB-së që mbahet muajin e ardhshëm në Nju Jork. Kjo pasi departamenti I shtetit njoftoi se Abaz dhe 80 zyrtarëve të tjerë palestinezë do t’u anuloheshin apo nuk do t’u jepeshin viza amerikane.
Sekretari Amerikan i Shtetit, Marko Rubio, fajësoi Abaz dhe zyrtarët e tjerë të autoritetit palestinez për minim të përpjekjeve për arritjen e paqes dhe se në mënyrë të njëanshme po kërkonin njohjen e një shteti palestinez hipotetik.
Sipas Rubios, në takimin e Asamblesë së Përgjithshme të OKB-së mund të merrnin pjesë përfaqësuesit e misionit palestinez në Nju Jork, në përputhje me marrëveshjen e selisë së OKB-së, dokumenti që rregullon çështje të ndryshme që kanë lidhje veprimet e OKB-së në SHBA. Vendimi, që u mirëprit nga Izraeli, është I pazakontë pasi pritej që SHBA të lehtësonte udhëtimet për zyrtarët e të gjithë vendeve që dëshirojnë të jenë të pranishëm në asamblenë e OKB-së.
Ndalesa ndaj Abaz dhe zyrtarëve të tjerë palestinezë erdhi pasi një grup vendesh, të drejtuara nga Franca, kanë bërë me dije se do të njohin shtetin palestinez gjatë asamblesë, një lëvizje kjo që është kundërshtuar fuqishëm nga administrata e presidentit amerikan Donald Trump.
Ministri I jashtëm francez Jean-Noël Barrot u shpreh të shtunën se takimi I asamblesë së përgjithshme të OKB-së nuk duhej t’i nënshtrohej asnjë kufizimi. Ambasadori palestinez në OKB-së kishte bërë më parë me dije se Abaz do të kryesonte delegacionin palestinez dhe do të merrte pjesë në takimin e krerëve të shteteve dhe qeverive të OKB-së që mbahet në godinën e organizatës në Nju Jork. NË 2012-ën, asambleja e përgjithshme e OKB-së njohu Palestinën si shtet të përhershëm jo-anëtar të organizatës me statusin e vëzhguesit.
Discussion about this post