Sekretari amerikan i Shtetit, Antony Blinken, në një status të postuar në “Twitter”, ka dhënë lajmin se SHBA ka dhuruar 500 mijë doza Pfizer për Kosovën. Ai gjithashtu thotë se tashmë me këto doza, Kosova i është afruar me 20% qëllimit të vaksinimit.
Blinken shton se kjo dhuratë përfaqëson vlerat e përbashkëta dhe lidhjet e palëkundura midis njerëzve të SHBA e Kosovës.
Statusi nga Antony Blinken:
Sot SHBA dhuroi këstin e parë prej 500,000 doza Pfizer për Kosovën, duke e sjellë atë 20 për qind më afër arritjes së qëllimit të saj të vaksinimit. E dhënë përmes COVAX, kjo dhuratë përfaqëson vlerat e përbashkëta dhe lidhjet e palëkundura midis njerëzve tanë. Së bashku mund ta mposhtim COVID-19.
