Departamenti Amerikan i Mbrojtjes ka njoftuar një paketë të re të ndihmës ushtarake prej 2.6 miliardë dollarësh për Ukrainën, e cila përfshin kryesisht municione për artileri dhe sisteme të tjera armësh, si dhe raketa “Himars”.
“Armët dhe municionet me vlerë 500 milionë dollarë do të sigurohen nga rezervat ushtarake amerikane.
Përveç kësaj, Ukrainës do t’i sigurohen municione dhe armë të tjera me vlerë 2.1 miliardë dollarë, të cilat do të ofrohen nga industria”, njoftoi Pentagoni.
Këto përfshijnë sistemet e radarëve për mbrojtjen ajrore, pajisjet e komunikimit, raketahedhës dhe automjete të llojeve të ndryshme si cisterna dhe mjete transporti dhe rikuperimi.
SHBA-ja konsiderohet aleati më i rëndësishëm i Ukrainës në mbrojtjen kundër pushtimit rus.
Paketa e re është dërgesa e 35-të e armëve nga rezervat amerikane në Ukrainë që nga gushti 2021, sipas Pentagonit.
Discussion about this post