Sekretari amerikan i Shtetit, Antony Blinken ka bërë sot një deklaratë të fortë në lidhje me qëndrimin e Rusisë për emigrantët në kufij të Ukrainës. Gjatë një konference për shtyp, Blinken se SHBA është e shqetësuar për ndërhyrjen ushtarake të Rusisë në ditët e fundit. Sekretari i Shtetit u tregua i ashpër me Rusinë në rast se situata përshkallëzohet në Ukrainë. “Çdo sulm i mëtejshëm i Rusisë në Ukrainë do shoqërohet me pasoja serioze“, tha ai.
Kryediplomati amerikan tregoi se, nesër do të flasë më shumë lidhur me kërcënimet e Rusisë, pasi të konsultohet me ministrat e Jashtëm të NATO-s në 30 nëntor në Riga. Sekretari Blinken u ndal edhe te kriza e emigrantëve të shkaktuar sipas tij, nga presidenti autokrat i Bjellorusisë, Aleksandre Lukashenko.
“Regjimi i Lukashenkos ka orkestruar flukse emigrantësh të paligjshëm që kalojnë kufijtë e saj. Ne jemi dakord me Letoninë dhe të tjerëve në rajon sa i përket sigurimit të kufijve të tyre, në përputhje me ligjet ndërkombëtare”, tha ai. Anëtarët e NATO-s, Ukraina, Polonia, Letonia dhe Lituania akuzojnë Rusinë dhe Bjellorusinë se ka dërguar mijëra emigrantë nga Lindja e Mesme në kufijtë e tyre si ndëshkim për sanksionet e BE-së ndaj Minskut. Për këtë SHBA i tërheq vëmendje dhe i bënë thirrje të ndalojë veprimet që do të sjellin pasoja të rënda për të gjithë.
Discussion about this post