Ditën e sotme do të zhvillohet Samiti për Demokracinë në Shtetet e Bashkuara të Amerikës, ku presidenti Joe Biden do të presë përfaqësues të më shumë se 100 vendeve duke lënë jashtë listës Kinën dhe Rusinë.
Mediat amerikane shkruajnë se ngjarja do të zhvillohet me anë të një video telefonate për shkak të pandemisë së koronavirusit dhe do të deri ditën e nesërme. Kosova, Mali i Zi, Maqedonia e Veriut dhe Serbia janë vendet e ftuara në këtë Samit nga rajoni i Ballkanit Perëndimor. Pas shumë diskutimeve rreth pjesëmarrjes ose jo të Kosovës në këtë Samit, presidentja e vendit, Vjosa Osmani konfirmoi ftesën zyrtare nga presidenti amerikan me anë të një postimi në Facebook. Në anën tjetër, Bosnje-Hercegovina nuk është ftuar.
Presidenti Biden ka mbledhur shumicën e qeverive të botës për të adresuar sfidat me të cilat përballen demokracitë, të tilla si mbrojtja e lirisë së internetit, reduktimi i keqpërdorimit të teknologjisë së mbikëqyrjes, luftimi i dezinformimit dhe mbrojtja e sundimit të ligjit. Grupet e shoqërisë civile nga shumë vende do të jenë gjithashtu atje, sepse ato janë kritike për t’i mbajtur qeveritë përgjegjëse.
Të gjitha qeveritë pjesëmarrëse do të marrin angazhime konkrete drejt tre qëllimeve: kundër autoritarizmit, luftimin e korrupsionit dhe mbrojtjen e të drejtave të njeriut.
Discussion about this post