Shtetet e Bashkuara të Amerikës gjatë natës goditën dhe vranë një nga organizatorët e ISIS-k, organizata e cila mori përsipër sulmin në aeroportin e Kabullit, në të cilën 200 afganë dhe 13 ushtarë amerikan humbën jetën.
Identiteti i militantit nuk është zbuluar por Pentagoni e cilësoi si një nga organizatorët e kësaj organizate. Sipas mediave të huaja, ai po planifikonte sulme në të ardhmen por nuk ishte i përfshirë drejtpërdrejt në sulmet në Kabul.
Presidenti amerikan, Joe Biden pas sulmeve në Kabul, ku humbën jetën 13 ushtarë amerikanë dhe rreth 180 civilë afganë, u betua se SHBA do të kundërsulmonin. “Ne nuk do të falim. Ne nuk do të harrojmë. Ne do t’iu ndjekim dhe do ta paguani këtë”, tha Biden pas sulmit. Sulmin në Kabul para dy ditësh e mori përsipër dega afgane e ISIS-it, ISOS-K.
