Gjykata e Lartë e Shteteve të Bashkuara të Amerikës ka mbështetur urdhrin e një gjyqtari federal që USAID të paguajë 2 miliardë dollarë për grupet e huaja të ndihmës, pavarësisht përpjekjes së Donald Trump për të shpërbërë organizatën.
Gjykata e la në fuqi vendimin me pesë vota pro të John Roberts, Elena Kagan, Amy Coney Barrett, Ketanji Brown Jackson dhe Sonia Sotomayor dhe katër kundër të Clarence Thomas, Neil Gorsuch, Brett Kavanaugh dhe Samuel Alito.
Vendimi i Gjykatës është i rëndësishëm në disa aspekte. Para së gjithash sepse vjen nga organi më i lartë gjyqësor në Shtetet e Bashkuara. Së dyti, paneli përbëhet nga një shumicë gjyqtarësh të emëruar nga Trump.
Gjyqtarët Samuel Alito, Clarence Thomas, Neil Gorsuch dhe Brett Kavanaugh u shprehën kundër vendimit të Gjykatës.
Alito e motivoi kundërshtinë e tij duke thënë se ishte “i habitur që gjykata po shpërblen një akt arrogance gjyqësore dhe po vendos një dënim prej 2 miliardë dollarësh ndaj taksapaguesve amerikanë”.
Një gjykatës i emëruar nga Biden, Amir Ali, lëshoi një urdhër të përkohshëm për rivendosjen e pagesave prej 2 miliardë dollarësh për kontraktorët që tashmë kanë përfunduar punën e tyre.
Administrata Trump e quajti urdhrin e Ali “tepër ndërhyrës dhe me thellësisht të meta”, si dhe argumentoi se afati kohor i vendosur nga gjykata për shlyerjen e borxhit ishte shumë i rreptë dhe i papërshtatshëm.
Puna e USAID ka qenë një nga objektivat kundër të cilit është kthyer që në ditët e para administrata Trump.
Miliarda dollarë në programet e ndihmës humanitare janë shkurtuar ose pezulluar. Disa nga urdhrat e para ekzekutive të Trump kishin të bënin me USAID-in.
Discussion about this post