Ish-kryetari i Partisë Demokratike Lulzim Basha i është përgjigjur kreut të qeverisë Edi Rama. Ai deklaroi se Shtetet e Bashkuara të Amerikës i kanë një borxh Shqipërisë. Sipas tij, aleatët tanë strategjikë nuk kanë asnjë borxh ndaj nesh. Por jemi në ata që i detyrohemi për Shqipërinë e pavarur, të çliruar nga komunizmi dhe në NATO, për çlirimin dhe pavarësinë e Kosovës dhe për të drejtat e shqiptarëve në RMV e kudo. Basha shtoi se Shqipëria ende nuk ka plotësuar standardet të partneritetit dhe aleancës strategjike mes SHBA-së. Siç janë shteti i së drejtës, media e lirë, konkurrenca e ndershme dhe lufta kundër korrupsionit dhe krimit të organizuar.
Lexo edhe: Muxhahedinët/ Rama: SHBA ka një borxh për të larë me ne
“Aleatët tanë strategjikë SHBA nuk kanë asnjë borxh ndaj nesh. Ndërsa ne nuk lajmë dot kurrë borxhin ndaj tyre për Shqipërinë e pavarur, të çliruar nga komunizmi dhe në NATO, për çlirimin dhe pavarësinë e Kosovës dhe për të drejtat e shqiptarëve në RMV e kudo. Shteti i së drejtës me barazi para ligjit për të gjithë. Demokracia funksionale dhe media e lirë, konkurrenca e ndershme dhe liria e tregut, lufta kundër korrupsionit dhe krimit të organizuar janë standardet ende të paplotësuara të partneritetit dhe aleancës strategjike mes Shqipërisë, SHBA dhe BE” – shkroi Basha në Twitter.
Mbrëmjen e djeshme, kryeministri Edi Rama tha në emisionin ‘Real Story’ në Report Tv, se aleatët tanë SHBA- kanë një borxh për të larë për Shqipërinë. Ai iu referuar strehimit të anëtarëve të opozitës iraniane në kamion MEK.
“Sot është e qartë se ne kemi bërë tonën, ata kanë mbrojtur veten. Ndërsa aleatët tanë kanë një borxh për të larë me ne. Sepse duhet ta themi këtë gjë, ta themi troç, ka një borxh për të larë me ne. Do u vijë koha e do shohim se si do e lajnë këtë borxh,”- tha Rama.
Discussion about this post