SHBA ka nxjerrë rregulla të reja për udhëtimet ajrore. Së shpejti do të lejojnë hyrjen në vend përmes transportit ajror të shtetasve të huaj, që janë plotësisht të vaksinuar, ose atyre që paraqesin një test negativ për COVID-19 të bërë brenda 24 orëve para udhëtimit, ka njoftuar Shtëpia e Bardhë.
Rregullat e reja hyjnë në fuqi më 8 nëntor dhe për disa vende, duke përfshirë Indinë, Brazilin, Irlandën, Zonën Shengen, Afrikën e Jugut dhe Mbretërinë e Bashkuar, ku hyrja në SHBA ka qenë përjashtim nga rregulli , do të nënkuptojë një lehtësim të konsiderueshëm të kufizimeve.
Zëdhënësi i Departamentit të Shtetit, Ned Price tha se kjo politikë “vendos shëndetin publik në radhë të parë” dhe mbron si qytetarët dhe banorët e Shteteve të Bashkuara, ashtu edhe vizitorët.
Ai shtoi se përjashtimet nga rregulli për vaksinat janë jashtëzakonisht të pakta, kryesisht për fëmijët nën 18 vjeç dhe disa individë nga vende që kanë rezerva shumë të vogla vaksinash.
Ata do të duhet të tregojnë testin negativ të bërë brenda 24 orësh. Po ashtu ata që lejohen të hyjnë pa bërë vaksinën, duhet të pranojnë ta bëjnë atë në SHBA, nëse kanë në plan të qëndrojnë për më shumë se 60 ditë.
Administrata është planifikuar gjithashtu të lëshojë udhëzime teknike për linjat ajrore dhe testimin dhe gjurmimin e kontaktit përmes CDC, sipas një zyrtari të lartë të administratës.
