Shtetet e Bashkuara po ofrojnë një paketë shtesë prej 250 milionë dollarësh të ndihmës për sigurinë për Ukrainën, njoftoi të martën Sekretari amerikan i Shtetit Antony Blinken. Blinken tha se paketa e ndihmës përfshin raketa të mbrojtjes ajrore, municion artilerie, sisteme dhe raketa Javelin, dhe pajisje për pastrimin e minave.
“SHBA do të furnizojë gjithashtu ambulanca “pjesë këmbimi, shërbime, trajnime dhe transport. Kjo paketë armësh dhe pajisjesh, të cilat vlerësohen në 250 milionë dollarë, po ekzekutohet në bazë të tërheqjeve të drejtuara më parë për Ukrainën.
Rusia e filloi këtë luftë dhe mund ta përfundojë atë në çdo kohë duke tërhequr forcat e saj nga Ukraina dhe duke ndaluar sulmet e saj brutale.
Derisa të ndodhë, Shtetet e Bashkuara dhe aleatët dhe partnerët tanë do të qëndrojnë të bashkuar me Ukrainën, për aq kohë sa duhet”, tha Blinken
Discussion about this post