Shtetet e Bashkuara dhe Shqipëria kanë bërë thirrje për mbledhjen e Këshillit të Sigurimit të OKB-së ditën e nesërme për të miratuar një rezolutë që bën thirrje për një “sesion të posaçëm të Asamblesë së Përgjithshme të OKB-së” të hënën për luftën mes Rusisë dhe Ukrainës, u bë e ditur sot nga burime diplomatike. Miratimi i këtij vendimi kërkon 9 vota pro të 15 anëtarëve të Këshillit të Sigurimit.
Një mbledhje e tillë e Asamblesë së Përgjithshme, e cila parashikohet nga një rregullore e OKB-së dhe përdoret rrallë, nuk përfshin mundësinë e vetos nga asnjë prej pesë anëtarëve të përhershëm. Rezoluta e bashkëhartuar nga Shqipëria dhe SHBA për agresionin në Ukrainë u rrëzua të premten në Këshillin e Sigurimit në OKB për shkak të vetos së Rusisë.
80 vende anëtare të OKB bashkësponsorizuan rezolutën, ndërsa 11 nga 15 anëtarë të Këshillit të Sigurimit në OKB e votuan atë. Rusia vuri veton ndaj një rezolute të Këshillit të Sigurimit të OKB-së, sipas të cilës, është kërkuar që Moska të ndalojë menjëherë sulmin e saj ndaj Ukrainës dhe të tërheqë të gjitha trupat.
19 nga 15 anëtarët e këshillit votuan për rezolutën, e cila u hartua nga Shtetet e Bashkuara dhe Shqipëria. Kina, India dhe Emiratet e Bashkuara Arabe abstenuan. Dokumenti i nënshkruar nga Ambasadori i Shqipërisë në OKB, Ferit Hoxha dhe homologia e tij amerikane Linda Thomas-Greenfield, kishte për qëllim parësor dënimin e sulmit dhe ndalimin e mëtejshëm të tij nga ana e Rusisë në dëm të Kievit.
Discussion about this post