Platforma e inteligjencës Dixhitale ”Arkham” ka bërë publike një raport ku qeveria e Shteteve të Bashkuara të Amerikës është vendi me rezervën më të lartë të Bitcoin, konkretisht me 212,847 Bitcoin. Ndërsa Mbretëria e Bashkuar dhe Gjermania mbajnë 61,245 BTC dhe 49,858 BTC.
Të konvertuara me vlerën aktuale që ka kriptomonedha më e madhe, SHBA zotëron 13.4 miliardë dollar në bitcoin ndërsa 2 vendet europiane, Mbretëria e Bashkuar dhe Gjermania zotërojnë përkatësisht nga 3.8 dhe 3.1 miliardë dollarë.
Sipas Arkham përveç bitcoin Shtetet e Bashkuara të Amerikës kanë gjithashtu rezerva të konsiderueshme në Etherium, ku sëbashku me kripto të tjera si Tether dhe USD Coin vlera totale shkon deri në 200 milionë dollarë.
Një pjesë e rëndësishme e mbajtjeve të Bitcoin nga qeveria e Shteteve të Bashkuara vjen nga sekuestrimet e lidhura me tregtinë e errët në internet Silk Road, hakeri i saj Jimmy Zhong, si dhe hakerët e këmbimtarisë së kriptovalutave Bitfinex.
Në Shqipëri, kriptomonedhat mbeten ende një temë delikate për qytetarët, vitin që lamë pas u fut në fuqi ligji për kriptomonedhat ku çdo individë që do kryente “minig”, do të taksohej pasi quheshin të ardhura nga mjete virtuale.
Discussion about this post