Në Serbi vijon të komentohet dokumenti jo zyrtar slloven përmes të cilit propozohet rindërtimit të kufijve në Ballkanin Perëndimor.
Së fundmi lidhur me këtë dokument ka reaguar Ministri serb i Punëve të Jashtme, Nikola Selakoviç i cili është shprehur se në qoftë se dikush angazhohet për paprekshmërinë e kufijve, atëherë kjo do të thotë që nuk mund të preken as kufijtë e Serbisë.
Ai tha se në Serbi ekziston një pjesë e në Serbi që është e gatshme të thotë se Kosova nuk është pjesë e Serbisë.
Ndërsa, kur bëhet fjalë për ‘non-paper’, siç thotë ai, në Serbi ekziston një pjesë që është e gatshme të thotë se Kosova nuk është pjesë e Serbisë.
“Unë them po, nëse ne angazhohemi për paprekshmërinë e kufijve, atëherë kjo do të thotë që nuk mund të prekni as kufijtë e Serbisë. Dhe kushdo që sulmon këtë letër [non-paper], duhet ta ketë parasysh këtë. Nëse doni të mbroni veten, mbroji edhe ata rreth vetes. Kjo është ajo që po tregon Serbia dhe ajo gjithmonë thotë se respekton integritetin territorial të Bosnjës dhe Hercegovinës. Kjo do të thotë që ne të respektojmë Marrëveshjen e Paqes të Dejtonit”, theksoi Selakoviç.
Selakoviç thotë se ai ende nuk e di se kur do të vazhdojë dialogu me Kosovën, por sipas tij Serbia insiston për këtë.
Ai thotë se qëndrimi i pesë vendeve të Bashkimit Evropian për të mos njohur pavarësinë e Kosovës është një garanci se negociatat do të zhvillohen në një mënyrë të drejtë dhe korrekte.
Ai ka komentuar edhe zërat që thonë se dialogu do të kthehet në “pikën zero”, tetë vjet pas arritjes së Marrëveshjes së Brukselit.
“Kthimi në ‘pikën zero’ do të thoshte që të gjithë të heqim dorë nga gjithçka që jemi. A është kjo poenta? Mund të them se do të luftojmë për interesin tonë nacional”, përfundoi Selakoviç.
