Policia e Korçës ka reaguar në lidhje me pamjet e publikuara në media, ku shefi i stacionit të policisë kufitare në Kapshticë Arbër Alimadhi dhunonte një doganier dhe ngjarja ishte filmuar nga kamerat e sigurisë.
Përmes njpë komunikate për mediat, blutë e Korçës bëjnë me dije se ngjarja ka ndodhur më datën 6 Janarin dhe ndaj Alimadhit është marrë masa e pezullimit nga detyra për vetëm 3 ditë.
Gjithashtu, raportohet se ndaj Arbër Alimadhit ka nisur dhe një hetim disiplinor nga Drejtoria e Standardeve Profesionale në Policinë e Shtetit.
Doganieri i dhunuar, shtetasi L.M. raportohet se nuk ka pranuar të bëjë kallëzim në institucionet përkatëse.
Reagimi i Drejtorisë Vendore të Kufirit dhe Migracionit Korçë
Në lidhje me një video të postuar në rrjetin social JOQ, ku shfaqet një oficer policie duke u konfliktuar me një punonjës të doganës, në Pikën e Kalimit Kufitar Kapshticë, ju sqarojmë se:
Ngjarja ka ndodhur më datën 06.01.2025, dhe menjëherë pas ngjarjes, në zbatim të rregullores së Policisë së Shtetit, Shefi i Stacionit të Policisë Kufitare Kapshticë, Komisar A. A, është pezulluar tre ditë nga detyra dhe ndaj tij Drejtoria e Standardeve Profesionale në Policinë e Shtetit nisi hetimin disiplinor.
Për të kryer një hetim sa më të plotë, Drejtori i Përgjithshëm i Policisë së Shtetit ka urdhëruar transferimin e menjëhershëm të këtij punonjësi nga Pika e Kalimit të Kontrollit Kufitar Kapshticë.
Sqarojmë se shtetasi L.M (doganier) me të cilin u konfliktua Shefi i Stacionit A.A, nuk ka pranuar të bëjë kallzim.
Po në lidhje me këtë rast, ka kryer veprime hetimore dhe Agjencia e Mbikëqyrjes Policore.
View this post on Instagram
Discussion about this post