Futbolli më shumë se dinamik i Arabisë Saudite ka shkaktuar një tërmet në transfertat e verës. Tashmë yjet e futbollit evropian, si Benzema dhe Kante, kanë ndjekur Cristiano Ronaldon në vendin e Lindjes së Mesme, pasi drejtuesit e ligës së Arabisë Saudite duken të vendosur për të tërhequr sa më shumë lojtarë të mirë që munden.
Sipas Mikael Enemalos, ish-drejtor teknik i Chelsea-t dhe tani kreu i Saudi Pro League, ata futbollistë që zgjedhin Arabinë Saudite nuk e bëjnë këtë vetëm për shkak të… kontratave të majme.
“Futbollistët e dinë se çfarë është industria. Ata e kuptojnë se kur diçka e mirë po ndodh dhe për t’i bindur ata të vijnë, duhet të bisedoni me ta, jo vetëm me agjentët e tyre, t’u shpjegoni atyre gjërat rreth ligës sonë.
Fakti që shumë e marrin këtë vendim nuk ka të bëjë vetëm me pjesën financiare të mundësisë. Ata e kuptojnë se do të përcaktojnë trashëgiminë e tyre këtu dhe do të kenë mundësinë të kontribuojnë për diçka të veçantë”, tha fillimisht nigeriani.
“Kjo është ajo që çdo lojtar kërkon, konkurrencë dhe mundësi për të bërë diçka të jashtëzakonshme dhe të veçantë. Kjo është ajo që ne ofrojmë dhe kjo është arsyeja pse ka kaq shumë futbollistë të interesuar për të ardhur në ligën tonë”, shtoi ai më pas.
Discussion about this post