Shefi i misionit të EULEX-it në Kosovë, Lars-Gunnar Wigemark, ka vlerësuar se situata në veri të Kosovës është e qetë. Përmes një postimi në rrjetet sociale ka bërë me dije se, EULEX-i po vazhdon patrullimet e shtuara në veriun e Kosovës së bashku me KFOR-in dhe policinë e Kosovës.
Gjithashtu ai ka informuar se nesër do të nisë zbatimin marrëveshja për reciprocitetin e targave.
Përplasjet në veri të Kosovës me palën serbe zgjatën prej më shumë se dy javësh që nga momenti kur kryeministri, Albin Kurti ,publikoi vendimin për eciprocitetin e targave. Ndërsa 3 ditë më parë pas diskutimeve ne Bruksel u arrit një marrëveshje mes palëve për të shuar përplasjet në veri.
