Kanë përfunduar hetimet paraprake nga Prokuroria e Posaçme kundër Korrupsionit dhe Krimit të Organizuar në Tiranë, për procedimin në ngarkim të pandehurve Albion Ceku dhe Denis Xholi, të cilët banojnë në Dibër dhe ndodheshin nën arrest me burg.
SPAK informon se provat e mbledhura vërtetojnë se Denis Xholi së bashku me Albion Cekun, kanë shpërndarë para në Njësinë Administrative Maqellarë në këmbim të votave për zgjedhjet e 25 prillit të këtij viti.
Denis Xholi, mësohet të këtë ushtruar funksionin e përgjegjësit të zyrës juridike në Bashkinë Bulqizë. Ai është akuzuar për veprat penale “korrupsion aktiv në zgjedhje” të kryer në bashkëpunim dhe “Përdorimi i funksionit publik për veprimtari politike ose zgjedhore”. Pas përfundimit të hetimeve, Xholi është dërguar në gjyq nga SPAK.
