Deputeti Dashamir Shehi, kryetar i LZHK, tha nga studio e Klan News, tha se në Partinë Socialiste nuk ka një grupim që merr vendime, por ato merren nga Edi Rama.
Duke folur për emërimin e Taulant Ballës në postin e ministrit të Brendshëm, Shehu tha se do të shohim se si do të veprojë, përtej deklaratave politike.
“Ka një shans të vogël për të dhënë disa sinjale positive, por duhet të presim. Është fatkeqësi që në Shqipëri ministri i Brendshëm është më i rëndësishmi, pasi duhej të ishte ministri i Ekonomisë apo i Bujqësisë, pasi jemi vend bujqësor.
Në vend që të kishim prodhuar 1 mijë oficerë të denjë policie ne kemi prodhuar nja 2 mijë biznesmenë të mëdhenj a të vegjël që janë ish-policë, ky është realiteti në Shqipëri”, tha Shehi.
Lidhur me legalizimin e kanabisit për qëllime mjekësore, Shehi tha se po ndërtojmë një system për të legalizuar atë kanabisin që është në mal, për ta kthyer në fushë dhe për ta legalizuar.
“Shikoni ligjin, janë ca agjensi që krijohen gjoja për të kontrolluar kanabisin legal, ndërkohë që nuk kontrollohen ilaçet që tregtohen në Shqipëri. E dini se çfarë do të ndodhë? Ai kanabisi që mbillet në mal në mënyrë të paligjshme do të mbillet tashmë në atë 200 ha që përcaktohet në ligj. Sa do fitojmë ne nga ky kanabisi legal? S’ka asnjë shifër. Të paktën nëse do të kishim mbjellë këtë sipërfaqe me grurë a me misër do të kishim fituar nja 5 mln euro”, tha Shehi.
Sipas tij, ajo që do të ndodhë do të jetë që çdo rreth do të kërkojë licensat e veta. “Do shikoni që Shkodra do kërkojë dy licensa, Korça po kaq, sepse do e shikojnë si një mundësi”, tha Shehi. Sipas tij, frika është se impiantet që do të ngrihen për të përpunuar kanabisin legal do të shërbejë edhe për të përpunuar atë kanabisin që është në mal.
Discussion about this post