Deputeti Dashamir Shehi ka komentuar sot situatën në politikë dhe atë brenda PD-së. Përmes një interviste televizive ai tha se Basha solli falimentin në parti dhe “lufta” që po bënë me Berishën nuk do të sjellë aspak produktivitet. Sipas Shehit, ata po përplasen për pushtet ama kjo nuk iu hap mundësitë për të ardhur në pushtet
“Kjo që po ndodh është një luftë për pushtetin opozitar. Lidershpi i Bashës ka qenë falimentar sepse nuk ka prodhuar fitore në zgjedhje dhe as simpati popullore përderisa mbahet si figurë udhëheqëse drejtuesi i vjetër, Berisha. Por lufta është për të ardhur në pushtet. Si do fitojnë me palën tjetër unë nuk e shikoj brenda kësaj skeme.
Brum politik brenda këtij debate nuk shoh. Temat më të mëdha që kanë pasur 8 vite nuk kanë janë në axhendën e asnjë grupi politik. Nuk thuhet kurrë pse kemi dalë nga kuvendi, nga reformat. Këtu po merremi unë kam dy letra për ty ti ke dy letra për mua. Është një garë për pushtetin brenda opozitës”, tha Shehi.
Ndër të tjera, Shehi tha se Partia Demokratike mund të rifitojë pozicionin e saj vetë nëse largohen dy të vjetërit dhe fillon gjithçka me frymë të re. Sipas tij, Basha dhe Berisha duke u grindur për karrigen e vetë, po i falin fitoren Ramës, madje theksoi se të dy ata po largojnë PD-në nga raporti me Amerikën dhe po ja lënë vendin Ramës.
“Partia Demokratike shpëton nëse ikin të dy këta zotërinjtë dhe atëherë hapet rruga për rininë. Rifillojmë nga e para jo vetëm për Partinë Demokratike. Ndryshimi është thelbësor, Nuk mund ta kthejmë një person për nostalgji. Unë gjykoj për t’u çliruar. Basha ka shkuar tre herë në zgjedhje dhe ka humbur tre herë. Ka një vetëpërmbajtje në zyrë. Sikur Basha të kishte pasur kurajo politike pas zgjedhjeve duhet të kishte dhënë dorëheqjen dhe të ishte bërë një proces normal. Ne në vitin 1997 kemi dorëzuar sovranitetin e Shqipërisë.
Kemi thirrur spanjollë, turq dhe italianë për të na ruajtur. Shqiptarët morën pushkët dhe ne u thamë ushtrive të huaja hajde na ruani. Tani na vika puna që u dashka sovraniteti se po na ndërhyjnë amerikanët. PD i ka dorëzuar Edi Ramës miqësinë me Amerikën. Kjo rikuperohet me politikë reale”, tha Shehi, duke u shprehur se, drama sot është se nuk ka kush i del përpara Edi Ramës
Discussion about this post