Orges Shehi debuton me barazim në Superligën e Kosovës. Vetëm pak ditë pas prezantimit në krye të Ballkanit, skuadra e Suharekës nuk mori më shumë se një pikë në ndeshjem me Ferizajn, që përfundoi me rezultatin 1-1. Të parët që kaluan në epërsi ishin mysafirët, kur në minutën e 24-të Walid Hamidi realizoi pas asistimit të Adetunjit për 0-1.
Ferizaj krijoi disa raste të mira shënimi, por që nuk e gjeti golin e barazimit në pjesën e parë. Vendasit në pjesën e dytë u treguan edhe më agresivë në repartin ofensiv duke krijuar disa raste të mira shënimi.
Betim Haxhimusa, Albion Kurtaj e Fatjon Jusufi rrezikuan, por Enea Koliçi ishte në top formë. Por në minutën e 84-të erdhi goli i barazimit. Çlirim Avdulli asistoi për mrekulli për Almen Abdul nga gjuajtja e lirë dhe sulmuesi irlandez barazoi shifrat në 1-1.
Me këtë pikë të fituar Ferizaj del në pozitën e tetë në tabelë me 17 pikë, derisa Ballkani është e treta me 27 pikë. Në xhiron e ardhshme Ferizaj takohet në udhëtim me Dukagjinin, derisa Ballkani para tifozëve të vet pret Llapin.
Discussion about this post