Trajneri i Tiranës, Orges Shehi, mendon se skuadra e tij duhet ë vazhdojë të besojë se mund të kalojë Beshiktashin. Edhe pse pranoi superioritetin e kundërshtarit, tekniku theksoi se ekipi mund të kishte shmangur gabimet që sollën humbjen me shifrat 3-1.
“E mira nuk ka fund, por sigurisht që jemi të kënaqur me atë që kemi dhënë. Edhe pse ka disa mënyra apo episode që mund të bënim më mirë. U munduam të ndryshojmë vendosje që të mos i jepnim gjerësi kundërshtarit se aty po vuanim. Kur bëmë ndryshimet, ishim më të ekuilibruar. Deri diku jam i kënaqur.
Jemi të ndërgjegjshëm dhe dimë forcën e kundërshtarit, pas një ndeshje të parë dhe informacioni më të saktë. Se realisht nuk kishim informacione se nuk kishin bërë ndeshje zyrtare. Tani kemi panoramë më të qartë për mënyrën se si të vendosemi dhe interpretojmë ndeshjen.
Edhe pse kundërshtari sidomos në pjesën e parë ishte në zotërim të topit dhe kërkonte gjerësi nga krahët, ne golat i kemi pësuar në tranzicion. Të parin me krosim nga linja e dytë, mendoj se ishin të evitueshëm edhe për mënyrën se mund ta interpretonim më mirë. Se sidomos goli i tretë ishte mundësia për ta evituar komplet.
Rasti i Abazajt? Kristali është lojtar i shpejtë dhe kërkuam sidomos kur e bëmë me dy sulmues, që të gjenim thellësinë. E bëri mirë, në fund farë pastaj, edhe ai kërkon ta interpretojë më mirë çdo rast. Por futbolli ka raste të shënuara e të humbura. Patjetër do të ishte më mirë 2-1 se 3-1 për ndeshjen e kthimit.
Nëse mbyllej 2-1? Unë mendoj se shpresa kemi edhe 3-1, por 2-1 do të ishte më e madhe. Më vjen keq më shumë mënyra se si u pësua goli në minutat e fundit, por me 2-1 do të kishim më shumë shpresa”, tha Shehi./PanoramaSport
Discussion about this post