Dashamir Shehi ka folur për zgjedhjet lokale të 14 majit, ku mazhoranca duket se kërkon me çdo mjet të fitojë Bashkinë e Shkodrës për herë të parë.
Në emisionin “Të Paekspozuarit” në MCN TV, Shehi e lidh këtë me dëshirën e Edi Ramës për të fituar bastionin e të djathtës, një simbolikë se ai ka arritur të marrë gjithçka. Megjithatë, deputeti shprehi bindjen se qytetarët e Shkodrës do të rezistojnë.
Pjesë nga biseda në studio:
Pse i duhet Shkodra këtij patjetër?
Dashamir Shehi: Sepse i duhet edhe simbolika, që ne e marrin edhe Shkodrën. Ai i ka marrë të gjitha. Këtë e do për simbolikë, për të thënë edhe Shkodra, që ka qenë e djathtë, e marr unë. Ai thotë shikoni si bëra Vlorën, ja kështu do bëj edhe Shkodrën… Në këtë turbullirë të përgjithshme, me para të privatëve dhe të shtetit, se shumë para edhe të krimit, janë të shtetit. Edhe Shkodra, besoj se çfarëdo të bëjë, tradita qytetare shkodrane, një lloj linje që kemi prej vitesh. Jo se ka qenë më e mira, se po të kishim shkëlqyer edhe ne, nuk do të diskutoheshin këto muhabete. Por, Shkodra do të rezistojë dhe do ta mbajë, edhe në shumë vende të tjera.
Agron Çela, Tom Doshi dhe këta, mendoni se nuk do të ndikojnë?
Dashamir Shehi: Ndikojnë, por unë them se qytetari do të dominojë!
Discussion about this post