Në një intervistë për mediat, kreu i LZHK-së, Dashamir Shehi ka folur për masakrën e Serbenicës dhe politikën shqiptare në lidhje me ndërkombëtarët. Sipas Shehit, mazhoranca duhet ta kishte marrë seriozisht rezolutën e Serbenicës dhe të dënonte me akt politik atë që ka ndodhur vetëm 150 km larg Shqipërisë. Ai gjithashtu tha se Shqipëria ka mbi 20 vite që nuk bën politikë serioze.
“Shteti shqiptar si reagon ndaj kësaj tragjedie historike, shteti shqiptar duhet të kaishte marrë me seriozitet. Kjo rezoluta nuk është thjesht një tufë lulesh për kujtim por një gjest dhe akt politik. Që do të thotë se shteti shqiptar merr përsipër të dënojë këtë gjest, të reflektojë për këtë lloj historike në Ballkan. Kjo ka ndodhur 150 km afër kufirit me Shqipërinë. Historia e Kosovës është e lidhur me Srebrenicën. Ne nuk mund ta lejonim Serbinë që të bënte këto lloj masakrash në Ballkan. Ne i detyrohemi dy herë Bosnjës, jo vetëm deklaratë por duhet të mbajmë një distancë nga kjo ndodhi e tmerrshme. Është akti më kriminal pas Luftës së Dytë Botërore. Mbi këtë lloj dhimbje të përgjithshme shqiptarët kanë pasur në avantazhet e veta. Në Pavarësinë e Kosovës, marrëdhëniet me ndërkombëtarët, në bombardimet e komunitetit ndërkombëtar. Presidenti Klinton dikur tha një frazë shumë të rëndësishëm të nisin bombardimet. Vrit në Srebenicën dhe vrit në Kosovë më pas prandaj ndërhynë. Shqipëria ka mbi 20 vite që nuk bën politikë serioze. Këtu kemi aleatë që janë të dyshimtë për Evropën, kemi marrëveshje me Serbinë për Ballkanin e Hapur. Serbia nuk është e qartë nëse do të hyjë në Evropë apo jo. Politika e sigurisë është kundër NATO-s, jemi në disa nga pika më të rëndësishme në kundërshtim të hapur. Qeveria Rama dhe qeveria e mëparshme kishte disa suksese por raporti me Kosovën varet a është Thaçi apo dikush tjetër. Raporti tonë është institucional dhe nuk duhet të varemi me individët kush është Kryeministër në Prishtinë dhe Tiranë” – tha Shehi
Discussion about this post