Dashamir Shehi, deputet i opozitës, nga foltorja e Kuvendit, u shpreh se vendi duhet të pastrohet, por ata që vjedhin paratë e shqiptarëve, duhet të përballen me drejtësinë.
Shehi tha se kush ka vjedhur paratë e inceneratorëve duhet të shkojë në burg, se ndryshe gjithë këto llafe që themi ne këtu janë kot.
“Duhet të pastrohet vendit. Duhet një sistem edukimi masiv për këtë punë. Duhet një edukim i një brezi që nuk e ka shumë konceptin e pastërtisë.
Disa fonde më mirë të shkojnë për edukimin se sa shkojnë për disa projekte bosh. Projektet në këtë fushë duhet të kalojnë nivelin e zgjedhjeve.
Për të treguar që ky është një sektor që ka të ardhme vetëm nëse punohet ndershmërisht. Vagabondët që kanë vjedhur paratë e inceneratorëve duhet të shkojnë në burg, se ndryshe gjithë këto llafe që themi ne këtu janë llafe kot.
Kanë marrë nga 20 mln kompani boshe që nuk ekzistojnë. Të investojmë fonde për të këtë punë se është e rëndësishme, por ashtu si duhet, jo t’i vjedhim”, deklaroi Shehi.
Discussion about this post