Tirana triumfoi ndaj Egnatias në “Air Albania”, duke vazhduar të jetë në krye të tabelës së klasifikimit me 6 pikë mbi skuadrën e Laçit.
Përveç fitores që bardheblutë arritën të merrnin, një lajm aspak i mirë “shqetëson” trajnerin Orges Shehi. Vesel Limaj është lojtari, i cili nuk do të jetë në sfidën me Kastriotin.
Ish-mesfushori i Kukësit u ndëshkua dje me karton të verdhë në përballjen me Egnatian dhe kështu ai humb takimin me krutanët. Lojtari ka plotësuar numrin katër të kartonëve të verdhë.
Nga ana tjetër, lajm i mirë për teknikun e Tranës është se i kthehet Seferi nga pezullimi, ndërsa me grupin bashkohet edhe Erjon Hoxhallari i dëmtuar që do të zhvillojë stërvitjen veçmas.
Discussion about this post