Deputeti demokrat, Tritan Shehu, e konsideron çështjen “Beleri” si simptomë të deformimit të demokracisë.
E ndërsa kryebashkiaku i zgjedhur i Himarës mbahet në paraburgim duke mos u lejuar të betohet, çka mund të çojë në humbjen e mandatit të fituar në 14 maj, Shehu shkruan se në rastin e Fredi Belerit po shkelet çdo parim dhe e drejtë demokratike.
Postimi nga Tritan Shehu
Çështja “Beleri”, simptomë i deformimit te demokracisë!
Është agresion ndaj te drejtave elektorale e universale prej regjimit!
Qe vendos e vepron arbitrarisht, ku drejtësia “komandohet”.
“Justifikimi” i atij akti anti ligjor me nje “vello” “biografike” e pseudo nacionaliste nga disa, është i rrezikshëm, qofte dhe si “mjegullnaje” për atë “burgosje” te regjimit.
Ai veprim, qe nëpërkëmb edhe te drejtat e minoritetit, mbi te gjitha nëpërkëmb demokracinë ne tërësi, krijon nje precedence te rrezikshme për te gjithë.
Pavarësisht je apo jo pjese e një minoriteti, je njëlloj i rrezikuar!
Ky është thelbi, qe duhet kuptuar, e mbi këtë baze duhet reaguar.
Një “rrëmbim” i kandidatit 48 ore para zgjedhjeve, mbajtja ne paraburgim pa fund me akuza te zbehta, mos lejimi i gjykimit ne liri e as te beje betimin për postin e zgjedhur, bien ndesh me çdo parim e te drejte demokratike.
Kështu duhet kuptuar nga shqiptaret; edhe nga partneret tane!
Te cilët duke hequr çdo iluzion per “demokracinë” tone, ka ardhur koha te kuptojnë se nuk mund te këtë cenim selektiv te te drejtave te minoriteteve…
Pa një cenim te përgjithshëm te te drejtave.
Ku dhe çdo cenim per cilendo pjese te popullsisë, eshte nje cenim per te gjithe!
Besoj se këtë te vërtetë duhet ta kete kuptuar edhe ndonjë personalitet grek, i cili para 14 Majit i bënte lavde realitetit tone te deformuar….
Ndërsa tashme ngre zerin kritik…edhe ne Himare ndoshta.
Discussion about this post