Shehu i drejtohet socialistëve: Mos u bëni patericë e Ramës

Deputeti i PD, Tritan Shehu ka akuzuar kryetaren e Kuvendit dhe kolegët socialistë se po sillen si patericë e Edi Ramës.

Lidhur me kërkesën e opozitës që po refuzohet për ngritjen e një komisioni hetimor për çështjen Rama -McGonigal, Shehu iu bëri thirrje kolegëve të PS që të reflektojnë pasi “kjo shpatë do bjerë dhe mbi kokat tuaja nesër siç po bien mbi kokat e demokracisë shqiptare”.

“Shkelet procedura e rregullorja e parlamentarizmi hidhet në kosh, por këtu kemi të bëjmë me grusht shteti institucional.

Janë veprimet më të rrezikshme për demokracinë këto gjëra, veprime që pjellin diktaturat, jemi në regjim e po shkojmë në diktaturë.

Ju bëj thirrje kolegë socialistë, tërhiqni vëmendjen tuaj të kuptoni se kjo shpatë do bjerë dhe mbi kokat tuaja nesër siç po bien mbi kokat e demokracisë shqiptare. Nuk mund të shkelet në këtë mënyrë kushtetuta e rregulli.

Këtu ngrihet një patericë e Ramës e përjashton deputetë nga grupi parlamentar i PD, jeni vetëm patericat e Ramës.”, tha ai.