Shehu kujton 20 shkurtin e 1991: Koha kërkon një lëvizje të re

Deputeti i PD-së, Tritan Shehu ka kujtuar rrëzimin e bustit së ish-diktatorit Enver Hoxha më 20 shkurt të vitit 1991.

Në postimin e tij në Facebook, Shehu ka theksuar se nuk duhet harruar dhjetori i vitit 1990 që solli ndryshimin, teksa ka shtuar se “fatkeqësisht përsëri koha dhe zhvillimet kërkojnë një lëvizje të ngjashme”.

Postimi i plotë:

Kurrë nuk duhet ta harojmë, oren 14,10 të 20 Shkurtit 1991.

Rënien simbolike të diktatorit me diktaturën bashkë!

Ata qindra studentë heroikë, që u futën në ate Grevë Urije.

Aq sa nuk i nxinte ai kinoklub “Studenti”.

Shumë të tjerë ngelën jashte, duke tentuar të hyjnë edhe nga catia.

Ata dhjetra mijëra banorë të Tiranes, të mbledhur reth tyre e që me tej u “derdhën” drejt Sheshit Skënderbej.

Për të rrëzuar e tërhequr zvarrë atë monument, që përfaqësonte krimet, izolimin, persekutimin etj, të një diktature ekstreme 45 vjecare.

Ata trima e të vendosur, që u bënë autorët konkretë e realizuesit e asaj, që e pamë me entusiazëm të pa shembullt nga disa metra më larg, pikërisht në orën 14,10.

Përmbysjen e asaj mase obskurantiste metalike!

Nuk duhet haruar kurrë ai moment e historia e asaj periudhe prej Dhjetorit 1990, që sollën ndryshimin.

Harresa sjell ripërsëritjen, edhe të “errësires” vetë!

Ndryshimi u realizua sepse njerëzit u “ngritën”!

Fatkeqësisht përsëri “koha” dhe zhvillimet kërkojnë një lëvizje të tillë!