Një galeri në minierën e Martaneshit është shembur mesditën e sotme. Në të ka pasur rrjedhje të gazit në galerinë 40, ku për pasojë janë bllokuar disa minatorë. Disa prej minatorëve kanë mundur të dalin ndërkohë që vijon puna për nxjerrjen e të tjerëve.
Drejt vendit të ngjarjes janë nisur katër autoambulanca. Autoritetet lokale kanë kërkuar ndihmë nga Dibra dhe Burreli.
Nga të dhënat e para nga kërkimet e shpëtimit, mësohet se 6 minatorë janë nxjerrë nga galeria, ku njëri prej tyre është në gjendje të rëndë shëndetësore dhe është dërguar në Spitalin e Bulqizës.
Ndërkohë, nuk dihet ende nëse ka minatorë të tjerë të bllokuar brenda.
