Shembet masivi shkëmbor në aksin Tiranë-Burrel, makinat ngecen në trafik prej 5 orësh

Një masiv shkëmbor në aksin Tiranë-Burrel është shembur mëngjesin e sotëm, duke shkaktuar radhë të gjata automjetesh.

Prej 5 orësh vazhdon lëvizja me vështirësi të automjeteve që lëvizin nga Tirana drejt Burrelit apo anasjelltas.

Ndërkohë në vendngjarje ka mbërritur policia e cila ka menaxhuar trafikun, ndërsa një mjet tip fadrom po punon për heqjen e gurëve.

Punimet vazhdojnë, ndërsa theksojmë se ky aks rrugor është problematik për kalimin e rregullt të automjeteve, pasi reshjet e shiut shkaktojnë rënie të masivit shkëmbor.