Tre trupa janë gjetur sot nën rrënojat e një ndërtesë pesëkatëshe afër Barcelonës (në verilindje të Spanjës), pjesa e brendshme e së cilës u shemb ditën e djeshme.
“Kemi gjetur tre trupa të pajetë brenda banesës që u shemb në Badalona. Ata ende nuk janë identifikuar”, sipas një njoftimi të zjarrfikësve.
Për momentin nuk dihen shkaqet e shembjes.
Nëntëmbëdhjetë ekipe zjarrfikësesh punuan gjatë gjithë natës, së bashku me qen specialistë, për të gjetur personat, duke pastruar me duar rrënojat.
Sipas mediave lokale, blloku i pallateve, i cili përfshinte 20 apartamente, është ndërtuar në vitin 1959 dhe së fundmi i ishte nënshtruar një kontrolli sigurie.
Autoritetet komunale të Badalona njoftuan përmes X se kishin shpallur tri ditë zie.
Discussion about this post