Moti i keq që ka “pushtuar” Librazhdin prej disa ditësh, ka shembur sot një urë, e quajtur “Ura e Gurit”. Burimet bëjnë me dije se kjo urë lidhte disa fshatra, të cilët tani kanë mbetur tërësisht të izoluar nga qyteti dhe zonat e tjera. Për shkak të mirëmbajtjes, ky atraksion turistik me vlerë të madhe historike, e restauruar nga turqit rreth vitit 1750 shek 18-të, u shemb pas vërshimit të ujërave në lumin e Gostimës. Kjo urë shërbente si lidhje mes disa fshatra të njësisë administrative Polisit, si Polis Sheh, Polis Qendër, Fushë Buall dhe Shushicë.
Forumi për Mbrojtjen e Trashëgimisë Kulturore në një postim në Facebook, thotë se shembja e urës ishte paralajmëruar, për shkak të indiferencës së institucioneve ndaj trashëgimisë. “Nga dje, urën e Gostimës nuk e kemi më! Indiferenca titanike e qeverisë ndaj trashëgimisë dhe politika e devijuar e MK, ndaj mirëmbajtjes rutinë të monumenteve, pjell vazhdimisht këtë fatalitet. Edhe kjo, kronike e një ngjarjeje te paralajmëruar. “Çdo vit, një ure””, shkruan Forumi i Trashëgimisë Kulturore në Facebook.
Discussion about this post