Minitrja e Kulturës, Elva Margariti ka reaguar për shembjen e Çadrës së Cirkut Kombëtar ditën e djeshme nga përmbaruesit. Në muajin korrik, Zyra e Përmbarimit, kërkoi uljen e çadrës dhe lirimin e truallit ndaj pronarit, si dhe vendosi bllokimin e buxhetit të cirkut.
Vendimi që Cirku Kombëtar të lirojë truallin është marrë nga gjykata pa qenë prezente përfaqësia e tyre.
Sipas artistëve pala mbrojtëse, në këtë rast Ministria e Kulturës nuk ka pasur informacion për mbajtjen e seancës gjyqësore mbi pronësinë e truallit ku ndodhet çadra e Cirkut.
Për këtë vendim artistët nisën edhe një shkresë zyrtare në Kryeministri dhe Presidencë.
“Në këto momente të vështira, për artistët e Cirkut Kombëtar, jemi në krahun e tyre jo vetëm si përkrahës por edhe për gjetjen e zgjidhjes për vijimin e aktivitetit artistik. Teksa po vijojmë luftën në aspektin ligjor në bashkëpunim edhe me bashkinë e Tiranës, edhe ministrinë e Arsimit, do të sigurojmë një hapësirë për zhvillimin e proceseve aq të nevojshme për ta.
Stërvitjes dhe studiove për brezin e ri, përveç hartimit të një plani afatshkurtër që puna e tyre të mos ndërpritet por të vijojë jo vetëm në kryeqytet por edhe në qytete të tjera të Shqipërisë. Po punojmë për një plan afatgjatë, për një shtëpi të re për artistët dhe publikun. Jam besim plotë se si në rastin e Teatrit Kombëtar të Operës dhe Baletit, do të mund të gjejmë një zgjidhje edhe për cirkun kombëtar”- shkruan ministrja Margariti.
