Veprat e arkitektit të njohur, Maks Vel mesa duket po varrosën sëbashku me të, pasi qeveria nuk po lë pa shfrytëzuar asnjë pjesë tokë në Tiranë.
Mësohet se, ka nisur ndërhyrja për shembjen e godinës së parë 7-katëshe në Tiranë, e cila është projektuar nga Maks Velo në vitin 1976.
Bashkia e Tiranës nuk ka dhënë asnjë deklaratë për arsyen e shembjen së goditës, ndërsa kujtojmë se kjo e fundit është shpallur në vitin 2017 monument kulture i kategorisë së dytë, për vlerat historike dhe arkitektonike që mbart.
Për rastin në fjalë, dhe mungesën e profesionalizmit në punë, ku në mes të ditë punohet pa tabela orientuese, duke u kthyer në rrezik për banorët, ka reaguar dhe pedagogu Ervin Goci.
“7-katëshi i Maks Velos, duke u prishur në mes të ditës, një godinë në gjendje shumë të mirë siç ka thënë dhe konstruktori Orhan Sakiqi. Të gjithë maskarenjtë që për ç’nuk flasin e për ç’nuk na çajnë veshët, nuk flasin se si po shkatërrohet një pasuri e arkitekturës dhe e trashëgimisë. Këtyre u pordh m’u në gojë. Qelbësira staliniste! Vemje të Partisë së Punës”, shkruan Goci.
Bashkia e Tiranës ka pretenduar pak kohë më parë se kjo godinë kishte disa çarje për shkak të tërmetit të nëntorit të 2019-tës, ndërsa nuk dihet nëse ajo do të ketë një shembje të pjesshme apo totale.
Discussion about this post