Kreu i demokratëve, Sali Berisha deklaroi sot gjatë komunikimit me gazetarët se një qytetare ndërroi jetë mbrëmjen e kaluar nga “sindromi i zemrës së plasur”, pasi do e nxirrnin nga banesa me dhunë.
Berisha akuzoi si përgjegjës kryeministrin Edi Rama teksa tha se për interesa të deputeti Xhemal Qefalia, do të konfiskojë pallatin në Kombinat duke lënë banorët pa shtëpi.
“Një qytetar ndërroi jetë nga stresi, nga sindromi i zemrës së plasur sepse po e nxjerrin me forcë nga shtëpia. Cila është historia? Pas tërmetit ekspertët u kanë dhënë banorëve të këtij pallati, klasifikimin se pallati i tyre nuk ka dëmtime të rëndësishme. Më vonë aty, dhe unë kam një status të vitit 2019, e kam dhe datën, me titull, ja si luhet me jetën e 90 familjeve nga Edvin mafia për interesa të deputetit Qefalia. Ia ka tund themelet dhe pallati do largohet, në mënyrë barbare u presin ujin, dritat. Mbrëmë ndërroi jetë nga sindromi i plasjes së zemrës një qytetare që e shihte veten në humnerë totale që e nxirrnin me forcë. Këto ndodhin sepse në asnjë vend të botës nuk konfiskon kryeministri. Nuk konfiskon më gjykata në Shqipëri, konfiskon kryeministri. Rama kërcënon gjykatat. Këto janë zhvillimet e një revanshi që po nuk e ndalëm, do të rrokullisë shtetin shqiptar dhe shoqëritë”, tha Berisha.
Discussion about this post